!!!Very bad, can't sign in to blogger lately

It is very sad to tell you that I can't sign in to blogger for a long time. This post is posted from email :(. Help me

--
http://www.engineer4myanmar.com
http://wikimyanmar.org
http://www.ru-mm.co.cc

ဆက်လက်ဖတ်ရှုရန်

ပြန်ပိတ်ရန်

ရှေးဟောင်း တရုတ်ရိုးရာ အပ်စိုက်ကုထုံးနှင့် သိပ္ပံနည်းကျ သုတေသန

အပ်စိုက် ကုထုံး၏ နည်းစနစ်များကို ကြွက်များတွင် သိပ္ပံနည်းကျ စမ်းသပ်ခဲ့ရာ အကိုက်အခဲသက်သာမှုသည် placebo effect (ကုသမှု ကောင်းစွာခံယူပြီး ဖြစ်သည်ဟူသော စိတ်စွဲလမ်းမှု) တစ်ခုတည်းကြောင့် မဟုတ်ဘဲ ဆဲလ်များကို လှုံ့ဆော် ပေးခြင်းဖြင့် ခန္ဓာကိုယ်မှ ထွက်လာသော အကိုက်အခဲပျောက်စေသည့် adenosine (အဒန်နိုဆင်း) ဓာတ် များကြောင့် ဖြစ်ကြောင်း ခန့်မှန်းသိရှိနိုင်ခဲ့သည်။

Photograph: Jon Feingersh / Getty Images

သိပ္ပံ ပညာရှင်များ အနေဖြင့် လက်နာ နေသော ကြွက် များကို အပ်စိုက် ပေးခြင်းဖြင့် ရှေးဟောင်း တရုတ် လူမျိုးများ အသုံးပြုခဲ့သော အပ်စိုက် ကုထုံးဖြင့် အနာ သက်သာ စေသည့် နည်းလမ်း ၏ လျို့ဝှက်ချက် ကို ဖေါ်ထုတ်ရန် ကြိုးပမ်း ခဲ့ကြသည်။

လေ့လာချက်တွင် နာရီဝက်ခန့် အပ်စိုက်ကုပြီးနောက် အကိုက်အခဲ သက်သာစေသည့် ဓာတ်များ ထွက်လာကာ ကြွက်များအနေဖြင့် အနာ သက်သာ လာသည်ကို တွေ့ရှိခဲ့ရသည် ဟုဆိုသည်။ အပ်များ၏ လှုံ့ဆော်မှုကြောင့် ဆဲလ်များမှ adenosine ထွက်လာပြီး အပ်စိုက်ပြီး တစ်နာရီကျော်ကြာသည်အထိ နာကျင်ကိုက်ခဲမှု ကို သက်သာစေသည်။

အဆိုပါ တွေ့ရှိချက်သည် ယခင်က သိပ္ပံပညာရှင်များအနေဖြင့် ကျယ်ပြန့်စွာ လက်ခံ ယူဆထားခဲ့သော အပ်စိုက်ကုထုံးကြောင့် အနာသက်သာခြင်းသည် လူနာများ၏ စိတ်စွဲလမ်းခြင်း ကြောင့် သာ ဖြစ်သည် ဟူသော အတွေးအခေါ် ဟောင်းများ ကို စိန်ခေါ်လိုက်ခြင်း လည်း ဖြစ်သည်။

အဆိုပါ သုတေသန လုပ်ငန်းကို ဦးဆောင်ခဲ့သော နယူးယောက် University of Rochester Medical Centre မှ neuroscientist တစ်ဦးဖြစ်သူ Maiken Nedergaard က အခုလို သတိပေးခဲ့ပါတယ်။ ဒီကုထုံး ကနေ စိတ်ထင်လို့ မဟုတ်ဘဲ တကယ် ရောဂါ သက်သာ စေတာကို လက်မခံသေး သရွေ့ သုတေသန အဆင့်ကနေ လက်တွေ့ အသုံးချနိုင်မယ့် နည်းပညာ တစ်ခုအဖြစ် ဖွံ့ဖြိုးလာဖို့ ခက်ခဲနေဦးမယ် လို့ ပြောခဲ့ပါတယ်။

အချို့လူတွေ အနေနဲ့ ဒီလို သုတေသနမျိုးကို အသုံးမဝင်တဲ့ ခပ်ပေါပေါ အလုပ်လို့ သတ်မှတ် ကြပေမယ့် Nedergaard ကတော့ အဲဒီအချက်ဟာ မှားယွင်း နေတယ်လို့ ယူဆထား ပါတယ်။ လွန်ခဲ့တဲ့ နှစ်ထောင်ပေါင်းများစွာက ပညာရပ်တစ်ခုကို သိပ္ပံနည်းကျ လေ့လာဆန်းစစ်နိုင်မယ် ဆိုရင် အကျိုးများမယ်လို့ ယုံကြည်နေပဲ ဖြစ်ပါတယ်။

တကယ်တော့ အပ်စိုက်ကုထုံးသည် တရုတ်ပြည်တွင် ရှေးနှစ်ပေါင်း ၄၀၀၀ ခန့်ကပင် စတင် ပေါ်ပေါက်လာခြင်း ဖြစ်သည်။ ထိုနည်းစနစ် တွင် သေးသွယ် ပါးလွှာသော အပ်များကို ခန္ဓာကိုယ်အတွင်း သတ်မှတ်ထားသော နေရာများသို့ ထိုးသွင်းခြင်း၊ ၄င်းအပ်များကို အပူပေးခြင်း၊ လှည့်ပေးခြင်း နှင့် လျှပ်စစ်ဖြင့် တို့ပေးခြင်းများ ပါဝင်ပါသည်။

တရုတ် ရိုးရာ သမားတော်များက အပ်စိုက်ခြင်းဖြင့် ခန္ဓာကိုယ်တွင်း လည်ပတ် နေသော ချီ(သို့)ကွီ စွမ်းအင်ကို တိုးပွားစေသည်ဟု ယုံကြည်ကြသည်။ သို့ရာတွင် ယခု သုတေသန တွေ့ရှိချက်များကမူ လျို့ဝှက် ဆန်းကြယ်မှုများ မပါဝင်ပဲ ရိုးရှင်းသော အဖြေကို ညွှန်ပြနိုင်ခဲ့သည်။

Nedergaard အနေနဲ့ အနာ သက်သာစေတဲ့ အဓိက လျို့ဝှက်ချက်ကို ရှာတွေ့ပြီလို့ ယုံကြည်မိပါတယ်။ Adenosine သည် anti-inflammatory compound တစ်မျိုးဖြစ်ပြီး ကြာရှည် နာကျင် ကိုက်ခဲမှုများကို ဖြစ်စေသည့် inflammatory ဓာတ်များကို ဆန့်ကျင်နိုင်စွမ်း ရှိသည်။

ကြွက်များနှင့် စမ်းသပ်ခဲ့ပုံမှာ ပထမဦးစွာ ကြွက်တိုင်း၏ ခြေထောက်များကို inflammatory ဓာတုပစ္စည်းများ ထိုးသွင်းခြင်းဖြင့် နာကျင်အောင် ပြုလုပ်လိုက်သည်။ ကြွက် တစ်ဝက်လောက်မှာ အဓိက အာရုံကြောများ အနီးတွင် ရှိတတ်သည့် adenosine ကို လက်ခံနိုင်သော receptors များ မျိုးရိုးဗီဇထဲတွင် ပါမလာကြပေ။

ကုသမှု ပြုလုပ်ပုံမှာ နာနေသော ခြေထောက် များ၏ ဒူးဆစ်ပေါ်ရှိ အမှတ်ကို အပ်များဖြင့် စိုက်ကာ ရှေးရိုး ကုထုံးများ အတိုင်း ၄င်း အပ်များကို နာရီဝက်ခန့် အလှည့်ကျ လှည့်ပေးခြင်း ဖြစ်သည်။

အပ်စိုက် ကုထုံး ၏ ထိရောက်မှုကို တိုင်းတာရန် သုတေသနသမားများ က ဘရပ်ရ်ှကြမ်းကြမ်း တစ်ခုဖြင့် စမ်းသပ် ခဲ့ကြသည်။ ကြွက်များ၏ နာနေသော ခြေထောက်များကို ၄င်း ဘရပ်ရ်ှဖြင့် ထိကြည့်ခြင်းဖြင့် များများနာနေသော ကြွက်က သူ့ခြေထောက်ကို ဘရပ်ရ်ှအနားမှ မြန်မြန် ပြန်ရုတ်သွားခြင်းကို မှတ်သား တိုင်းတာ ခဲ့ကြသည်။

သုတေသန အဖွဲ့အနေဖြင့် ပုံမှန် ကြွက် သုံးပုံ နှစ်ပုံ ကို အပ်စိုက်ကုထုံး အသုံးပြု၍ အနာ သက်သာအောင် ပြုလုပ်နိုင်ခဲ့သည်။ သို့သော် adenosine receptor မျိုးရိုးဗီဇ ပါမလာသော ကြွက်များကိုမူ အပ်စိုက်ကုထုံးက ထိရောက်မှု မရှိကြောင်း တွေ့ခဲ့ကြသည်။ ထို receptor များ မပါပဲနှင့် ခန္ဓာကိုယ်ထဲမှ ထွက်လာသော adenosine သည် ထိရောက်မှု မရှိနိုင်ပေ။

ထို့ပြင် အပ်များကို လှည့်မပေး ပါကလည်း ထိရောက်မှု မရှိကြောင်း သတိထားမိခဲ့သည်။ Nedergaard က အပ်များကို လှည့်ပေးကာ ဆဲလ်များကို လုံလောက်သော ထိခိုက်မှု ဖြစ်စေခြင်းဖြင့် adenosine ထုတ်ပေးလာစေ သည် ဟု ဆိုသည်။ ထို့နောက် အာရုံကြောများ အနီးရှိ receptor များမှ adenosine ကို ဖမ်းယူ၍ ဓာတ်တုံ့ပြန်မှု ပြုပြီး နာကျင်မှုကို သက်သာစေခြင်း ဖြစ်သည်။

အပ်စိုက်ကုထုံး၏ နောက်ထပ် လျို့ဝှက်ချက် တစ်ခုမှာ အခြားနေရာများတွင် အပ်စိုက်ခြင်းဖြင့် အကျိုးသက်ရောက်မှု မရှိပဲ သတ်မှတ်ထားသော အပ်စိုက်ပွိုင့်များ တွင် အပ်စိုက်ပေးမှသာ နာကျင်မှုကို သက်သာစေခြင်းဖြစ်သည်။ Nedergaard က အဆိုပါ အပ်စိုက်ပွိုင့်များအနေဖြင့် အဓိက အာရုံကြော လမ်းကြောင်းများ တစ်လျောက်တွင် ရှိနေခြင်းဖြစ်ပြီး ၄င်း နေရာများတွင် adenosine receptor များ အမြောက်အများ ရှိနေသောကြောင့် ဖြစ်သည်ဟု ယုံကြည်နေသည်။

နောက်ဆုံး စမ်းသပ်ချက် အနေဖြင့် ကြွက်များကို adenosine ကြာရှည်ခံစေသော ကင်ဆာကုဆေး တစ်မျိုးကို ထိုးသွင်းပေးလိုက်သည်။ deoxycoformycin ဟု ခေါ်သော အဆိုပါ ဆေးသည် အပ်စိုက်ကုထုံး ၏ အကျိုးသက်ရောက်မှုကို သုံးဆ ထက် ပိုကြာအောင် ထိန်းပေးထားနိုင်ခဲ့သည်။

များသောအားဖြင့် အချို့ သုတေသန သမားများသည် ယခုလို သမားရိုးကျ မဟုတ်သော ကုထုံးများကို လေ့လာခြင်းသည် အကျိုးမရှိ၊ ခေတ်နောက်ကျနေခြင်းသာ ဖြစ်သည် ဟု ယူဆနေကြသည်။ အဘယ်ကြောင့်ဆိုသော် ထိုနည်းစနစ်များ အကြောင်းကို အပြည့်အစုံ နားမလည် နိုင်ကြသောကြောင့် မယုံကြည်နိုင်ကြခြင်း ဖြစ်သည်ဟု Nedergaard က ယူဆပါသည်။

ယခု လေ့လာတွေ့ရှိချက်မှ အပ်စိုက်ကုထုံးအနေဖြင့် နာကျင်မှုကို မည်သို့ သက်သာစေနိုင်ကြောင်း ရှင်းပြနိုင်ခဲ့သော်လည်း ရှေးရိုး သမားတော်များ ယုံကြည် မျှော်လင့် နေကြသည့် အခြား ကျန်းမာရေး အကျိုးကျေးဇူးများ ကိုတော့ သက်သေ ပြနိုင်ခဲ့ခြင်း မရှိသေးပါ ခင်ဗျား။

ဒေါက်တာ အောင်ဝင်းထွဋ်

Ph.D(E.P) M.P.E.I

http://www.engineer4myanmar.com

မူရင်း ဆောင်းပါး

သိပ္ပံဆောင်းပါးရှင် Ian Sample, ရေးသားသော

Acupuncture may ease pain by triggering release of natural painkiller

guardian.co.uk

ဆက်လက်ဖတ်ရှုရန်

ပြန်ပိတ်ရန်

Bill Gates အပိုင်း (၄)

ဘ၀အခြေအနေ

      ၁၉၉၄ ခုနှစ်တွင် Gates သည် Texas ရှိ Dallas မှ Melinda French ကို လက်ထပ်ခဲ့သည်။ သူတို့တွင် သားသမီး သုံးယောက် ထွန်းကားခဲ့သည်။ Gates ၏ အိမ်မှာ Washington မြို့ Medina ရှိ Lake Washington တွင်ရှိသော တောင်ကုန်း တစ်ခုပေါ်တွင် တည်ရှိသည်။ King Country ၏ ပုဂ္ဂလိက မှတ်တမ်းများအရ ၂၀၀၆ ခုနှစ်တွင် Gates ၏ ကိုယ်ပိုင် မြေနေရာနှင့် အိမ်တို့ စုစုပေါင်း တန်းဖိုးသည် အမေရိကန် ဒေါ်လာ ၁၂ မီလီယံ ရှိသည်ဟု သိရပြီး၊ နှစ်စဉ် အခွန်နှုန်းမှာ ၉၉၁၀၀၀ ဒေါ်လာရှိသည်ဟု သိရသည်။

     သူ၏ ၆၆၀၀၀ စတုရန်းပေ ကျယ်သော ခြံမြေနေရာ အတွင်းတွင် ပေ ၆၀ ရှည်သော ရေကူးကန် ရှိပြီး ထို ရေကူးကန် အတွင်းတွင် ရေအောက်၌ပင် သီချင်း ဂီတ နားဆင်နိုင်ရန် စီစဉ်ထားကြောင်း သိရသည်။ သူ၏ ခြံအတွင်းတွင် ၂၅၀၀ စတုရန်းပေ ကျယ်ဝန်းသော အားကစားရုံရှိပြီး သူ၏ ထမင်းစားခန်းသည် စတုရန်းပေ ၁၀၀၀ အကျယ်အ၀န်းရှိသည်ဟု သိရသည်။

     Gates ၏ ၀ါသနာတစ်ခုမှာ Codex Leicester ဟုခေါ်သည့် ရှေးဟောင်း စာမူများ စုရခြင်း ဖြစ်သည်။ ၁၉၉၄ ခုနှစ်တွင် Gates သည် လေလံပွဲတစ်ခုမှ Leonardo da Vinci ၏ စာမူများကို အမေရိကန် ဒေါ်လာ ၂၀.၈ သန်း ပေး၍ ၀ယ်ယူခဲ့ဖူးသည်။ Gates သည် စာဖတ် ၀ါသနာအိုး တစ်ဦးလည်း ဖြစ်သည်။ သူသည် သူ၏ ကြီးမားလှသော စာကြည့်တိုက် မျက်နှာကြတ်တွင် The Great Gatsby ၀တ္ထုထဲမှ စာသားများကို ရေးထွင်းထားသည်ဟု သိရသည်။ သူသည် tennis နှင့် golf ကစားရခြင်းကို ၀ါသနာပါသူလည်း ဖြစ်သည်။

     Gates သည် ၁၉၉၃ မှ ၂၀၀၇ ခုနှစ် အတွင်း “Forbes 400” တွင် နံပါတ် ၁ နေရာ၌ ရှိလေသည်။ တဖန် ၁၉၉၅ ခုနှစ်မှ ၁၀၀၉ ခုနှစ်အတွင် Forbes မှ ထုတ်ပြန်ခဲ့သော “The World’s Richest People” တွင်လည်း နံပါတ် ၁ နေရာ၌ပင် ရှိလေသည်။ ၁၉၉၉ ခုနှစ်တွင် သူ၏ ပိုင်ဆိုင်မှု စုစုပေါင်းသည် အမေရိကန် ဒေါ်လာ ၁၀၁ ဘီလီယံ အနည်းဆုံး ကျော်သည်ဟု သိကြရပြီး မီဒီယာသမားများက သူကို “centibillionaire” ဟု ကင်ပွန်းတပ် ကြသည်။ ၂၀၀၀ ခုနှစ်မှစ၍ dot-com ဗူဖေါင်း ပေါက်ကွဲမှုနှင့် သူ၏ လူမှုကူညီရေး အသင်းများသို့ ဘီလီယံနှင့် ချီသော လှူဒါန်းမှုများကြောင့် Microsoft ရှိ သူ၏ အမည်ခံ ပိုင်ဆိုင်မှုများသည် စတော့ ရှယ်ယာဈေးများကျကာ လျော့နည်းလာခဲ့သည်။ ၂၀၀၆ ခုနှစ် မေလတွင် ပြုလုပ်ခဲ့သော အင်တာဗျူးတစ်ခုအရ Gates က သူသည် “ကမ္ဘာ့အချမ်းသာဆုံး လူတစ်ဦးမဖြစ်ချင်ခဲ့ပါဘူး ဘာလို့လဲဆိုတော့ အဲ့ဒိက ရရှိလာတဲ့ အကျိုးဆက်ဖြစ်တဲ့ လူအများရဲ့ အာရုံစိုက်ခံရမှုကို မနှစ်သက်လို့ပါ” ဟု ပြောကြားဖူးသည်။ Gates သည် Microsoft အပြင် အခြားသော ရင်းနှီးမြုပ်နှံမှုများလည်း ရှိသေးသည်။ သူသည် ၁၉၈၉ ခုနှစ်တွင် Corbis ဟုခေါ်သည့် ဒစ်ဂျစ်တယ် ဓါတ်ပုံကုမ္ပဏီ တစ်ခု ကိုလည်း တည်ထောင်ခဲ့သေးသည်။ သူသည် သူ၏ သူငယ်ချင်း တစ်ဦးဖြစ်သည့် Warren Buffett ၏ Berkshire Hathaway ဟုခေါ်သော ကုမ္ပဏီတွင်လည်း ဒါရိုက်တာ တစ်ဦးဖြစ်သည်။

Microsoft မှ နောက်ပိုင်း

     Microsoft မှ ထွက်ပြီး နောက်ပိုင်းတွင် Gates သည် လူမှုကူညီရေး လုပ်ငန်းများကို ဆက်လက် လုပ်ကိုင်ခဲ့ပြီး အခြားသော ပရောဂျက်များတွင်သာ အချိန်ကုန်ဆုံးစေခဲ့လေသည်။

ခွန်းချို

ဆက်လက်ဖတ်ရှုရန်

ပြန်ပိတ်ရန်

Bill Gates အပိုင်း (၃)

လူမှုကူညီရေး လုပ်ဆောင်ချက်များ

      Gates သည် လူအများက သူ့အပေါ် မျှော်လင့် ထားသည့် အတိုင်း သူသည် ဆင်းရဲသားများ အပေါ် ကူညီမှုများကို ပြုလုပ်လာ ခဲ့သည်။ Gates သည် Andrew Carnegie နှင့် John D. Rockefeller တို့ကဲ့သို့သော ပုဂ္ဂိုလ်များ ပြုလုပ်သည်များကို လေ့လာခဲ့ပြီး ၁၉၉၄ ခုနှစ်တွင် သူ၏ Microsoft ပိုင် စတော့ ရှယ်ယာ အနည်းငယ်ကို ရောင်းချကာ William H. Gates Foundation ကို တည်ထောင်ခဲ့သည်။ ၂၀၀၀ ခုနှစ်တွင် Gates နှင့် သူ၏ ဇနီးတို့သည် သူတို့ မိသားစုအတွင်း တကွဲတပြားစီ ဖြစ်နေသော မိသားစုပိုင် foundation သုံးခုကို ပေါင်းစည်းခဲ့ပြီး ယခုနှစ်များအတွင်း လူမှုကူညီရေး လုပ်ဆောင်မှု အများဆုံးဖြစ်သော Bill & Melinda Gates Foundation ကို တည်ထောင်ခဲ့ကြသည်။ ထို foundation သည် Welcome Trust ကဲ့သို့ အခြား foundation လိုမဟုတ်ပဲ၊ ပြင်ပမှ ထောက်ပံ့သူများကိုပါ ပါဝင်စေခဲ့သည် ဟု သိရသည်။ လူမှုကူညီရေးများနှင့် လှူဒါန်းသူ တစ်ဦးဖြစ်သည့် David Rockefeller ၏ ထောက်ခံမှုများကြောင့် Gates ၏ foundation သည် လွှမ်းမိုးမှု ပိုမို ကြီးမားလာခဲ့သည်။ Gates နှင့် သူ၏ ဖခင်သည် Rockefeller မိသားစုနှင့် မကြာခဏ တွေ့ဆုံခဲ့ပြီး ၄င်းတို့၏ လူမှုကူညီရေး ကိစ္စရပ်များကို အစိုးရနှင့် အခြားသော အဖွဲ့အစည်းများမှ လျစ်လျူရှုထားသော ပြသနာများတွင် ပိုမို အာရုံစိုက်ကြရန် ဆွေးနွေးတိုင်ပင်ခဲ့ကြသည်။ ၂၀၀၇ ခုနှစ်ရောက်သော အခါတွင် Bill နှင့် Melinda Gates တို့သည် အမေရိကန် ဒေါ်လာ ၂၈ သန်းကျော် လှူဒါန်းခဲ့ပြီး ဖြစ်ပြီး အမေရိကတွင် ဒုတိယ အများဆုံး လှူဒါန်းသူများ ဖြစ်လာခဲ့သည်။

     Foundation သည် မတည်ထောင်ရသေးသော လုပ်ငန်းတစ်ချို့ အပေါ်တွင် အကျိုးအမြတ် အများအပြား ပြန်လည် ရရှိနိုင်ရန် မျှော်မှန်း၍ ကြိုတင် ရင်းနှီးမြုပ်နှံမှု တစ်ချို့ကြောင့် ဝေဖန်ခြင်းခံခဲ့ရသေးသည်။ ထို ရင်းနှီးမြုပ်နှံမှု၏ ကုမ္ပဏီ တော်တော်များများသည် foundation မှ ပံ့ပိုး လှူဒါန်းပေးနေသည့် ဆင်းရဲသား လူတန်းစားများ ရှိရာ နိုင်ငံများမှ ကုပ္ပဏီများ ဖြစ်ကြသည်။ အထူးသဖြင့် ပတ်ဝန်းကျင် ညစ်ညမ်းမှုများစွာ ဖြစ်ပေါ်စေသော ကုမ္ပဏီများနှင့် ပုပ္ပလိကသို့ ထုတ်ဖော်ရောင်းချမှု မရှိသော ဆေးဝါးကုမ္ပဏီ အများစု ပါဝင်သည်။ ထို ဝေဖန်မှုများကို ရပ်တန့်ရန် ၂၀၀၇ ခုနှစ်တွင် foundation သည် ၄င်း၏ ရင်းနှီးမြုပ်နှံမှုများ စာရင်းကို ပုဂ္ဂလိကသို့ ဖွင့်ဟ ပြောပြခဲ့သည်။

အသိအမှတ်ပြုခံရမှုများ

     Time မဂ္ဂဇင်းသည် Gates အား ၂၀ ရာစုတွင် အလွှမ်းမိုးနိုင်ဆုံး ပုဂ္ဂိုလ်များ ၁၀၀ တွင် ထည့်သွင်း ဖော်ပြခဲ့သည်။ ထို့ပြင် ၂၀၀၄၊ ၂၀၀၅ နှင့် ၂၀၀၆ ခုနှစ်များ၏ အလွှမ်းမိုးနိုင်ဆုံး ပုဂ္ဂိုလ်များ ၁၀၀ တွင်လည်း ထည့်သွင်း ဖော်ပြခဲ့ကြသည်။ တဖန် Times မဂ္ဂဇင်းကပင် Gates နှင့် သူ၏ ဇနီးဖြစ်သူ Melinda၊ U2 rock band ၏ lead singer ဖြစ်သူ Bono တို့အား ၄င်းတို့၏ လူသားချင်း စာနာမှုများကြောင့် 2005 Persons of the Year အဖြစ် ကြေငြာပေးခဲ့သည်။ ၂၀၀၆ ခုနှစ်တွင် Gates သည် “Heros of our time” ၏ ရှစ်နေရာမြောက် တွင် မဲပေးခြင်းခံခဲ့ရသည်။ Gates သည် ၁၉၉၉ ခုနှစ်၌ Sunday Times စွမ်းအားရှင်များ စာရင်းတွင် လည်းကောင်း၊ ၁၉၉၄ ခုနှစ်တွင် CEO of the year အဖြစ် Chief Executive Officers မဂ္ဂဇင်းတွင် လည်းကောင်း၊ ၁၉၉၈ ခုနှစ်တွင် “Top 50 Cyber Elite” ၌ နံပါတ် ၁ နေရာတွင် လည်းကောင်း၊ ၁၉၉၉ ခုနှစ်တွင် Upside Elite 100 ၌ နံပါတ် ၂ နေရာတွင် လည်းကောင်း၊ ၂၀၀၁ ခုနှစ် The Guardian တွင် “Top 100 influential people in media” ၌ လည်းကောင်း အသီးသီး ဖော်ပြခြင်း ခံခဲ့ရသည်။

     Gates သည် ၂၀၀၀ ခုနှစ်တွင် Netherlands ရှိ Nyenrode Business University မှ ဘွဲ့များ၏ အမြင့်ဆုံးဖြစ်သော honorary doctorates ကို ချီးမြှင့်ခြင်းခံခဲ့ရသည်။ ၂၀၀၂ ခုနှစ်တွင် Sweden ရှိ Royal Institute of Technology မှလည်း အထိုပါ ဘွဲ့ကို ချီးမြှင့်ခြင်းခံခဲ့ရပြန်သည်။ တဖန် ၂၀၀၅ ခုနှစ်တွင် Japan နိုင်ငံ Tokyo မြို့ရှိ Waseda University မှ လည်းကောင်း၊ ၂၀၀၇ ခုနှစ် အေပရယ်လတွင် တရုတ်နိုင်ငံ Beijing မြို့ရှိ Tsinghua University မှ လည်းကောင်း၊ ၂၀၀၇ ခုနှစ် ဇွန်လတွင် Harvard University မှ လည်းကောင်း၊ ၂၀၀၈ ခုနှစ် ဇန်န၀ါရီလတွင် Stockholm ရှိ Karolinska Institute မှ လည်းကောင်း၊ ၂၀၀၉ ခုနှစ်တွင် Cambridge University မှ လည်းကောင်း ထို အမြင့်ဆုံးဘွဲ့ဖြစ်သည့် Honorary doctorate ကို အသီးသီး ပေးအပ်ခဲ့ကြသည်။ Gates သည် ၂၀၀၅ ခုနှစ်တွင် Queen Elizabeth II မှလည်း Knight Commander of the Order of the British Empire (KBE) ကို ပေးအပ်ခဲ့သေးသည်။

     ၂၀၀၆ ခုနှစ် နိုဝင်ဘာလတွင် သူနှင့် သူ၏ ဇနီးသည် ကမ္ဘာတ၀ှမ်းလုံး ကျန်းမာရေးနှင့် ပညာရေး လူမှုကူညီမှု အသင်းများသို့ ထောက်ပံ့မှုများကြောင့် Order of the Aztec Eagle ဂုဏ်ပြုဆုကို လက်ခံရရှိခဲ့သည်။ ၄င်းတို့ ဇနီးမောင်နှံ၏ လူမှုကူညီမှု လုပ်ငန်းများသည် များသောအားဖြင့် Mexico တွင် ပိုများသည်။ အထူးသဖြင့် “Un pals de lectores” ဟုသော program မျိုးများပင် ဖြစ်သည်။ ၂၀၀၉ ခုနှစ် အောက်တိုဘာလတွင် Franklin Institute မှ Gates ၏ စီးပွားရေးတွင် အောင်မြင်မှုများနှင့် လူမှုကူညီမှု လုပ်ငန်းများအတွက် 2010 Bower Award for Business Leadership ဆုကို ၄င်းအားပေးအပ်မည်ဟု ကြေငြာခဲ့သည်။

အပိုင်း (၄) ဆက်ရန်…

ခွန်းချို

ဆက်လက်ဖတ်ရှုရန်

ပြန်ပိတ်ရန်

Bill Gates အပိုင်း (၂)

BASIC

၁၉၇၅ ခုနှစ် ဇန်န၀ါရီလတွင် Popular Electronics ၌ ပါဝင်သော Altair 8800 အကြောင်း ဖတ်ပြီးသည့် နောက်တွင် Gates သည် microcomputer အသစ်များကို ဖန်းတီးထုတ်လုပ်ကြသည့် Micro Instrumentation and Telemetry Systems (MITS) ကို ဆက်သွယ်ကာ သူတို့သည် ထိုအချိန်က ထို Altair 8800 computer platform အတွက် BASIC interpreter များကို ပြင်ဆင်နေကြကြောင်း အသိပေး ပြောကြားခဲ့ကြသည်။ အမှန်တကယ်တွင် Gates နှင့် Paul Allen တို့သည် Altair ကွန်ပျူတာအတွက် မည့်သည့် code ကိုမှ ပြင်ဆင်ရသေးခြင်း မရှိသေးချေ။ သူတို့သည် MITS ၏ စိတ်ဝင်စားမှုကို ရယူလိုခြင်း၊ ဖမ်းဆုပ်လိုခြင်းသာ ဖြစ်သည်။ သို့သော် MITS ၏ ဥက္ကဠဖြစ်သူ Ed Roberts သည် ၄င်းတို့အား အစမ်းပြသရန် သဘောတူညီခဲ့သည်။ သီတင်းပါတ် အနည်းငယ် အလုပ်အလုပ် ပြီးသောအခါ သူတို့သည် Altair minicomputer တိုင်း ပေါ်တွင် BASIC interpreter ကို အသုံးပြုကာ run နိုင်သည့် software အသေးစားလေးကို ဖန်းတီးနိုင်ခဲ့သည်။ ထို့နောက် Albuquerque ရှိ MITS ရုံးတွင် စမ်းသပ်ပြသမှုသည် အောင်မြင်ခဲ့ပြီး MITS သည် Gates ၏ BASIC interpreter များကို Altair BASIC အဖြစ် ဖြန့်ဝေပေးရန် သဘောတူညီခဲ့ကြသည်။ MITS သည် Paul Allen အား ငှားရမ်းခဲ့ပြီးနောက် Gates သည် Harvard တက္ကသိုလ်မှ ထွက်ကာ ၁၉၇၅ ခုနှစ် နိုဝင်ဘာတွင် Paul Allen နှင့် အတူ Albuquerque ရှိ MITS တွင် အလုပ်ဝင်ခဲ့ကြသည်။ နောက်ပိုင်းတွင် သူတို့နှစ်ဦးသည် Albuquerque တွင် ရုံးခန်းပြုလုပ်ကာ “Micro-Soft” ဟု အမည်ပေး၍ အလုပ်စတင် လုပ်ကိုင်ခဲ့ကြသည်။ တစ်နှစ်အတွင်းမှာပင် သူတို့သည် “Micro-Soft” ကြားမှ hyphen (-) လေးကို ဖြုတ်ကာ ၁၉၇၆ ခုနှစ် နိုဝင်ဘာလ ၂၆ ရက်နေ့တွင် Office of the Secretary of the State of New Mexico ၌ မှတ်ပုံတင်ကာ “Microsoft” ဟု တရားဝင်ပြောင်းလဲ ခဲ့ကြသည်။ Gates သည် Harvard သို့ ပြီးမြောက်အောင် စာဆက်လက် သင်ကြားရန် ပြန်၍မသွားတော့ပေ။

Microsoft ၏ BAISC သည် computer ၀ါသနာရှင် များ ကြားတွင် ရေပန်းစား လာခဲ့ သော်လည်း Gates သည် ဈေးကွက် တွင်းသို့ မဖြန့် ရသေးသော program copy တစ်ခု သည် သုံးဆွဲ သူများ ကြားသို့ ပေါက်ကြားသွား ပြီး ကျယ်ကျယ်ပြန့်ပြန့် ဖြန့်ဝေ အသုံးပြု နေကြ သည် ကို သိရှိ ခဲ့ပါသည်။ ဖေဖော်ဝါရီလ ၁၉၇၆ ခုနှစ်တွင် Gates သည် ကြေငြာစာ ကို computer ၀ါသနာရှင် များ အတွက် MITS newletter ထဲတွင် ပြောကြားခဲ့ပါသည်။ ထို ကြေငြာစာ ထဲတွင် MITS သည် quality ကောင်းသော software များ အတွက် payment တစ်စုံတစ်ရာ မရှိဘဲ နှင့် ဆက်လက် ၍ ထုတ်လုပ်ခြင်း၊ ဖြန့်ဝေခြင်း နှင့် ပြုပြင်ထိန်းသိမ်း များကို လုပ်ဆောင် ပေး တော့မည် မပာုတ် ပာုပြောကြား ခဲ့ပါသည်။ ထိုစာ သည် computer ၀ါသနာရှင် များကြား ရေပန်းခြင်း မရှိ ခဲ့ပါ။ သို့သော်လည်း Gates သည် Software Developer များက အခကြေးငွေ တောင်းဆိုသင့် သည်ပာု စွဲစွဲမြဲမြဲ ယုံကြည် ခဲ့ပါသည်။ Microsoft သည် ၁၉၇၆ ခုနှစ် နောက်ပိုင်းတွင် MITS Company မီခို လာ ခဲ့ပြီး အမျိုးမျိုးသော programming language software များကို ထုတ်လုပ် ခဲ့ပါသည်။ ၁၉၇၉ ခုနှစ် ဖန်န၀ါရီလ ၁ ရက် နေ့တွင် Microsoft company အား Akbuqureque မှ Washington မြီု့ Bellevue အရပ် သို့ ပြောင်းရွေ့ ခဲ့ပါသည်။ Microsoft company သည် ပထမပိုင်းနှစ်များတွင် ၀န်ထမ်းများအားလုံး အား company ၏ တာဝန်များ ကို ခွဲဝေပေး ခဲ့ပါသည်။

စီစဉ်ခန့်ခွဲမှုပုံစံ

Microsoft company သည် ၁၉၇၅ ခုနှစ် မှ ၂၀၀၆ ခုနှစ် တိုင်အောင် တည်တံ့ ခဲ့သော အချိန် အတွင်းတွင် Gates သည် company ၏ ထုတ်လုပ်မှု နည်းဗျူပာာ အတွက် အဓိက တာဝန်ရှိသူ တစ်ဦး ဖြစ်ပါသည်။သူ သည် Company ၏ ထုတ်ကုန် နှုန်း ကို မြန်မြန်ဆန်ဆန် ကျယ်ပြန့် စေပါသည်။ Microsoft သည် အောင်မြင် ကျော်ကြား သော နေရာ တစ်ခု ကို လွမ်းမိုး ခဲ့ပြီး နောက်တွင် ၄င်း သည် ထို နေရာ တစ်ခု ကို မပျောက်ပြက် စေရန် ထိန်းသိမ်း ခဲ့ပါသည်။

ဥက္ကဌ တစ်ဦးအနေ နှင့် Gates သည် Microsoft ၏ seninor programmer များ program manager များ နှင့် ပုံမှန် တွေ့ဆုံ ခဲ့ပါသည်။ အစောပိုင်း တွေ့ဆုံမှုများတွင် Gates သည် တစ်စုံတစ်ရာ အား ပြုလုပ် ဆောင်ရွက် ရန် စိတ်အား ထက်သန် နေခဲ့ပါသည်။ Gates သည် manager များ အား စီးပွားရေး ပာာကွက် ရှိနေသည် များ နှင့် company ၏ ရေရှည် ရင်းနှီးမြုပ်နှံ မှု များကို ထိခိုက် စေသည့် သဘောတူညီ ချက်များ ကို ပြုလုပ် ခဲ့သည့် အတွက် အပြစ်တင် ပြောဆို လေ့ရှိ ပါသည်။ Gates သည် presentation ပြုလုပ်နေမှု များကို ကြားဖြတ် ၀င်ရောက် ကြည့်ရှု ပြီး “ဒါတွေ ပာာ ငါ ကြားဖူးသမျှ မှာ အညံ့ဖျင်းဆုံး လုပ်ရပ်တွေပဲ” (သို့) “ မင်းတို့တွေ ဒီလို ထင်မြင်ချက် တွေ ထုတ်နေမဲ့ အစား ငြိမ်းချမ်းရေး အဖွဲ့ ၀င်လိုက် ကြပါလား” ပာု တင်မြင်ချက် ပေး တတ်ပါသည်။ ထိုအချိန် က သူ ၏ ရည်မှန်းချက် များသည် သဘောတူညီ မှုများကို အပြည့်အ၀ မသေချာ မချင်း ထိန်းသိမ်း ထားရန်ပင် ဖြစ်ပါသည်။ လက်အောက်ငယ်သား များ ကြန့်ကြာနေသော အချိန်တွင် သူသည် “နောက်အပတ် ကျ မှ ဆက်လုပ်တော့မယ်” ပာု အရွဲ့တိုက် ပြောဆိုလေ့ ရှိပါသည်။

Gate သည် Microsoft ၏ သမိုင်း နေရာအများ စုတွင် Management အပိုင်းနှင့် ဥက္ကဌ အပိုင်းများ တွင် ရှိခဲ့ပါသည်။ သို့သော်လည်း သူသည် အစောပိုင်း နှစ်များ တွင် software developer အဖြစ်ဆောင်ရွက် ခဲ့ပါသည်။ အထူးသဖြင့် Company ၏ programming language များ ထုတ်ဝေသူ အဖြစ် ဆောင်ရွက် ခဲ့ပါသည်။ သူ သည် development team များတွင် TRS-80 Model ကို စတင် အလုပ်လုပ် နေသည့် အချိန်မှ စ၍ မပါဝင် တော့ပါ။ သို့သော်လည်း ၁၉၈၉ ခုနှစ် လောက် အထိ သူသည် company ၏ ထုတ်ကုန်များ အတွက် source code များအား ရေးသား ခဲ့ပါသေးသည်။ ၂၀၀၆ ခုနှစ် ဇွန်လ ၁၅ရက် နေ့တွင် Gates သည် သူနေ့စဉ် အချိန်များကို လူမှုကူညီရေး ကိစ္စ များတွင်သာ ပြောင်းလဲ အချိန်ပေး တော့မည် ပာု ကြေငြာ ခဲ့ပါသည်။သူ သည် သူ၏ တာဝန်များ ကို company ၏ ယုံကြည် စိတ်ချ ရသော ၀န်ထမ်း နှစ်ဦးအား လွှဲပြောင်း ပေးအပ် ခဲ့ပါသည်။ နေ့စဉ် စီမံ ခန့်ခွဲမှု ကိစ္စရပ်များ ကို Ray Ozzie အား လည်းကောင်း၊ ရေရှည် ထုတ်လုပ်မှု ဆိုင်ရာများ အတွက် Craig Mundie တို့အား အသီးသီး လွဲပြောင်းပေး ခဲ့ပါသည်။

အပိုင်း(၃) ဆက်ရန်.....

ခွန်းချို

ဆက်လက်ဖတ်ရှုရန်

ပြန်ပိတ်ရန်

Paul Allen အပိုင်း - (၁)

Paul Gardner Allen သည် ဇန်န၀ါရီလ ၂၁ရက် ၁၉၅၃ ခုနှစ်တွင် မွေးဖွားခဲ့ပြီး အမေရိကန် စွန့်ဦး စီးပွား ရှာဖွေသူ တစ်ဦး ဖြစ်သည်။ ကမ္ဘာပေါ်တွင် အချမ်းသာဆုံး စာရင်းဝင်သူ တစ်ဦးဖြစ်ပြီး ဆင်းရဲသားများကို ပေးကမ်း ထောက်ပံ့တတ်သူ တစ်ဦးလည်း ဖြစ်သည်။ Bill Gates နှင့်အတူ Microsoft ကုမ္ပဏီကို တည်ထောင် ခဲ့သည်။

သူသည် Valcan Inc., ဟုခေါ်သည့် စီမန်ခန့်ခွဲမှုဆိုင်ရာ ကိုယ်ပိုင် ကုမ္ပဏီတစ်ခုနှင့် Charter Communications ဟုခေါ်သည့် ကုမ္ပဏီ၏ ဥက္ကဋ္ဌတစ်ဦးလဲ ဖြစ်သည်။ Allen သည် ကုမ္ပဏီပေါင်းများစွာ၊ စီးပွားရေး လုပ်ငန်းပေါင်း များစွာတွင် ဘီလီယံပေါင်း များစွာ ရင်းနှီး မြုပ်နှံထားသူ တစ်ဦးလဲ ဖြစ်သည်။ Allen သည် Seattle Sounders FC ကဲ့သို့သော ဘောလုံးအသင်းများ၊ ဘက်စကတ်ဘော အသင်းများကို တည်ထောင်ထားသူ တစ်ဦးလဲ ဖြစ်သည်။

ချမ်းသာကြွယ်ဝမှု

Forbes မဂ္ဂဇင်းအရ Allen သည် ကမ္ဘာ့ အချမ်းသာဆုံး စာရင်းတွင် ၃၂ နေရာမြောက်၌ ရှိပြီး အမေရိကန်ဒေါ်လာ ၁၀.၅ ဘီလီယံ ချမ်းသာသည်ဟု သိရသည်။ ၂၀၀၈-၂၀၀၉ ကမ္ဘာ့စီးပွား ပျက်ကပ် ဆိုက်ချိန်တွင်တောင်မှ ထိုမဂ္ဂဇင်းကပင် Paul Allen သည် အမေရိကန် ဒေါ်လာ ၁၆ ဘီလီယံ ချမ်းသာသည်ဟု ဖော်ပြခဲ့ပြီး အမေရိကန်၏ အချမ်းသာဆုံးစာရင်းတွင် ၁၂ နေရာမြောက် ၌ရှိသည်ဟု သိရသည်။ ၂၀၀၇ ခုနှစ်ရောက်ချိန်တွင်မူ Allen ၏ပိုင်ဆိုင်မှုသည် ၁၆ ဘီလီယံရှိသည်ဟု ခန့်မှန်းကြပြီး ကမ္ဘာ အချမ်းသာဆုံး စာရင်းတွင် ၁၉ နေရာ၌ရှိသည်ဟု ဆိုကြသည်။

ဘ၀နှင့် အလုပ်အကိုင်

Paul Allen ကို Washington မြို့ Seattle အရပ်တွင် မွေးဖွားခဲ့သည်။ ဖခင်မှာ University of Washington libraries ၏ တွဲဖက်ဒါရိုက်တာတစ်ဦးဖြစ်သူ Kenneth S. Allen ဖြစ်ပြီး မိခင်မှာ Faye G. Allen ဖြစ်သည်။ ငယ်စဉ်က Allen သည် Seattle ရှိ private ကျောင်းတစ်ကျောင်းဖြစ်သော Lakeside ကျောင်းတွင် တက်ရောက်ခဲ့သည်။ ထိုအချိန်တွင် သူ့ထက် နှစ်နှစ် အတန်းငယ်သော်လဲ သူ့လိုပင် ကွန်ပျူတာများ အပေါ် စိတ်ဝင်စားမှု ကြီးမားသော၊ နောင်၌ Microsoft ကုမ္ပဏီကြီးကို အတူတကွ လက်တွဲ တည်ထောင်ကြမည့် Bill Gates နှင့် ခင်မင် ရင်းနှီးခဲ့ကြသည်။ Time-sharing systems များသာ ခေတ်စားသော ထိုအချိန်၌ သူတို့နှစ်ယောက်သည် Lakeside ကျောင်းရှိ teletype terminal computer လေးများကို အသုံးပြု၍ computer programming ကို လေ့လာခဲ့ကြသည်။ ကျောင်းပြီးသောအခါ Allen သည် Washington State University တွင် ဆက်လက် တက်ရောက်ခဲ့သည်။ သို့သော် နှစ်နှစ်ခန့် ကြာသောအခါ ကျောင်းထွက်ခဲ့ပြီး Boston ရှိ Honeywell ကုမ္ပဏီတွင် သူ၏ သူငယ်ချင်းဟောင်းဖြစ်သူ Bill Gates နှင့်အတူ programmer အဖြစ် ၀င်ရောက် လုပ်ကိုင်ခဲ့သည်။ ထို့နောက်ပိုင်းတွင် Bill Gates ကို Harvard တက္ကသိုလ်မှ ထွက်စေ၍ Microsoft ကုမ္ပဏီကို အတူတကွတည်ထောင်ခဲ့ကြသည်။

Microsoft

Allen သည် Bill Gates နှင့်အတူ ၁၉၇၅ ခုနှစ်တွင် New Maxico ရှိ Albuquerque တွင် Microsoft ကုမ္ပဏီကို တည်ထောင်ခဲ့သည်။ အစပိုင်းတွင်တော့ Micro-Soft ဟုသာ ခေါ်တွင်ခဲ့ကြပြီး BASIC programming language interpreter များကို စတင်ရောင်းချခဲ့ကြသည်။ ၁၉၈၀ ခုနှစ်တွင် IBM ကို Disk Operating System (DOS) ပေးအပ်မည်ဟု ကတိပေးခဲ့သည်။ သို့သော် ထိုအချိန်အထိ သူတို့တွင် Intel 8088-based IBM PC များအတွက် DOS ကို မထုတ်လုပ်ရသေးပေ။ ထိုအခါ Allen သည် ထိုအချိန်က Seattle Computer Products တွင် အလုပ်လုပ်နေသော Tim Peterson ရေးသားသည့် Quick and Dirty Operating System (QDOS) ဟုခေါ်သည့် OS ကို ကြိုတင် စာချုပ်ချုပ်ဆိုကာ ၀ယ်ယူခဲ့သည်။ ထို စာချုပ်ချုပ်ဆိုမှု၏ အကျိုးဆက်သည် Microsoft အတွက် IBM PC များတွင် အသုံးပြုနိုင်သော OS ကို IBM ကုမ္ပဏီနှင့်အတူ ကတိ ပေးထားခဲ့သည့် အတိုင်း အောင်မြင်စွာ စာချုပ်ချုပ်ဆိုနိုင်ခဲ့သည်။ ထို အဖြစ်အပျက် သည်ပင်လျှင် Microsoft သမိုင်းကြောင်းတွင် Allen နှင့် Gates တို့ အဆမတန် ကြွယ်ဝ ချမ်းသာလာမှု၏ အကြောင်းအရင်းပင် ဖြစ်လေသည်။

Allen သည် ၁၉၈၃ ခုနှစ်တွင် Hodgin ရောဂါဖြစ်ပွားခဲ့သည်။ သူ၏ ကင်ဆာ ရောဂါသည် ဓါတ်ရောင်ခြည်များ၊ ရိုးတွင်းချဉ်ဆီ အစားထိုး ကုသမှုများဖြင့် ပြန်လည် ကောင်းမွန်လာခဲ့သည်။ သို့သော် သူသည် Microsoft သို့ပြန်မလာတော့ပဲ ကုမ္ပဏီနှင့် တစတစ ဝေးကွာစ ပြုလာခဲ့သည်။ နိုဝင်ဘာ ၂၀၀၀ တွင် သူသည် Microsoft ၏ ဒါရိုက်တာဘုတ်အဖွဲ့မှ တရားဝင် နုတ်ထွက်စာတင်ခဲ့သည်။ သို့သော် ကုမ္ပဏီ၏ အုပ်ချုပ်မှုအပိုင်းတွင် senior strategy advisor အဖြစ် ဆက်လက် တာဝန် ထမ်းဆောင်ရန် တောင်းဆိုခြင်း ခံခဲ့ရသည်။ ထိုနှစ်တွင်ပင် သူသည် သူ၏ သူ့ကိုယ်ပိုင် အမေရိကန်ဒေါ်လာ ၆၈ မီလီယံတန်ဖိုးရှိ Microsoft ရှယ်ယာများကို ထုတ်ရောင်းခဲ့သည်။ သို့သော် သူ့တွင် ကိုယ်ပိုင် ၁၃၈ မီလီယံတန်ဖိုးရှိ ရှယ်ယာများ ကျန်ရှိနေသေးသည် ဟု ဆိုခဲ့ကြသည်။

Allen သည် ၂၀၀၉ ခုနှစ် နိုဝင်ဘာတွင် non-Hodgkin lymphoma ရောဂါကို ခံစားခဲ့ရသည်။

အသိအမှတ်ပြုခံရမှုများ

၂၀၀၇ နှင့် ၂၀၀၈ ခုနှစ်များတွင် Allen သည် Time Magazine ၏ တစ်ကမ္ဘာလုံး အလွှမ်းမိုးနိုင်ဆုံး ပုဂ္ဂိုလ်များ ၁၀၀ တွင် ဖော်ပြခြင်းခံခဲ့ရသည်။ ၂၀၀၈ ခုနှစ် အောက်တိုဘာလ ၃၀ ရက်နေ့တွင် Seattle-King County Association of Realtors သည် Paul Allen အား သူ၏ ပစီဖိတ်အနောက်မြောက်အရပ်ရှိ အကျိုးအမြတ်ကို မမျှော်မှန်းသော အဖွဲ့အစည်းများ (nonprofit organizations) အား တစိုက်မှတ်မှတ်လှူဒါန်းမှုများ ထောက်ပံ့မှုများနှင့် တစ်သက်တာတွင် အမေရိကန်ဒေါ်လာ ၁ ဘီလီယံနီးပါး လှူဒါန်းမှုများကို ဂုဏ်ပြုခဲ့သည်။

Paul Allen သည် တက္ကသိုလ်အများစု၏ ဂုဏ်ပြုဆုများ၊ ဂုဏ်ပြုလက်မှတ်များ အမြောက်အများ လက်ခံရရှိခဲ့သည်။ ၁၉၉၉ ခုနှစ် မေလတွင် Washington State University မှ ၄င်းတက္ကသိုလ်၏ အမြင့်မားဆုံး ဂုဏ်ပြုလက်မှတ်ဖြစ်သည့် “Regents’ Distinguished Alumnus Award” ကို Allen အား ပေးအပ်ခဲ့သည်။ တဖန် သူသည် Ecole Polytechnique D-Washington မှ “Docteur honoris causa” ဂုဏ်ပြုလက်မှတ်ကို လက်ခံရရှိခဲ့သည်။ Seattle Seahawks ၏ CEO ဖြစ်သူ Tod Leiweke သည် Allen အား ထိုလက်မှတ်ပေးအပ်သော အခမ်းအနားတွင် မိန့်ခွန်းပြောကြားခဲ့သည်။

၂၀၀၉ ခုနှစ် ဇန်န၀ါရီလ ၃၁ ရက်နေ့တွင် Paul Allen သည် Oregon Sports Award program မှ နှစ် ၂၀ နှင့် အထက် Portland Trail Blazers ဘက်စကတ်ဘောအသင်းကို ပိုင်ဆိုင်မှုနှင့်၊ များပြားလှသော သူ၏ လှူဒါန်းမှုများကြောင်း အထူးဂုဏ်ထူးဆောင်ဆုကို လက်ခံရရှိခဲ့သည်။

ဆင်းရဲသားများအား ကူညီမှုများ၊ လှူဒါန်းမှုများ

Paul Allen သည် ကျန်းမာရေးဆိုင်ရာ အဖွဲ့အစည်းများ၊ လူသားချင်းကူညီမှုဆိုင်ရာ အဖွဲ့အစည်းများနှင့် သိပ္ပံနှင့် နည်းပညာဆိုင်ရာ အဖွဲ့အစည်းများသို့ ငွေမြောက်မြားစွာ လှူဒါန်းခဲ့ဖူးသည်။ သူ၏ လှူဒါန်းမှုဆိုင်ရာ လုပ်ငန်းများကို စီမံကွပ်ကဲရန် Paul G. Allen Family Foundation ကို ၁၉၈၆ ခုနှစ်တွင် စတင်တည်ထောင်ခဲ့သည်။ ထို foundation မှ တဆင့် Allen သည် နှစ်စဉ် အခြားနေရာများ၊ အဖွဲ့အစည်းများမှ အမျိုးမျိုးသော လှူဒါန်းငွေပေါင်း အမေရိကန်ဒေါ်လာ ၃၀ မီလီယံနီးပါး လက်ခံရရှိတတ်သည်။ အကြမ်းအားဖြင့် Foundation ၏ ၆၀% သော ငွေများသည် Seattle နှင့် Washington မြို့နယ်များရှိ non-profit organization များနှင့် ၁၂% သည် Portland နှင့် Oregon တို့ရှိ အဖွဲ့အစည်းများသို့ လှူဒါန်းလေ့ရှိသည်။ ကျန်သော ၂၈% သည် အနောက်ပစိဖိတ်ဒေသရှိ မြို့များကို ခွဲဝေလှူဒါန်းလေ့ရှိသည်။ Allen သည် ၂၀၀၇ ခုနှစ်ရောက်သောအခါတွင် ၄င်းကိုယ်ပိုင်ငွေ အမေရိကန်ဒေါ်လာပေါင်း ၉၀၀ မီလီယံနီးပါး လှူဒါန်းခဲ့ပြီးဖြစ်သည်။ Allen သည် အခြားသော လူမှုကူညီရေး လုပ်ငန်းများသို့လဲ လှူဒါန်းလေ့ရှိပါသည်။ လူသိအများဆုံးမှာ Experience Music Project၊ Science Fiction Museum နှင့် Hall of Fame၊ Flying Heritage Collection နှင့် Allen Telescope Array (ATA) တို့ ဖြစ်ကြသည်။ ATA သည် University of California၊ Berkeley နှင့် SETI Institute တို့ လုပ်ငန်းတူ စုဖွဲ့ထားခြင်း ဖြစ်သည်။ Allen သည် Woodstock ၌ တီးခတ်ခဲ့သော ဂစ်တာဖြစ်သည့် Hendrix ဂစ်တာအပါအ၀င် အခြားသော Jimi Hendrix ရှေးဟောင်း ပစ္စည်းများ စုဆောင်းဝယ်ယူရာတွင် ငွေကြေးထောက်ပံ့ခဲ့ဖူးသည်။ ပြီးနောက် ၄င်းရှေးဟောင်းပစ္စည်းများကို ပြခန်းများ၊ ပြပွဲများတွင် ပြသနိုင်ရန်လည်း ကူညီထောက်ပံ့ခဲ့သည်။

သူသည် Washington State University တွင် တက်ရောက်ဖူးပြီး ၄င်းကျောင်းကိုလဲ ငွေများ လှူဒါန်းဖူးသော်လည်း၊ Allen ၏ University of Washington သို့ လှူဒါန်းငွေသည် ပိုမိုများပြားခဲ့သည်။ ၁၉၈၀ ခုနှစ်နောက်ပိုင်းတွင် Allen သည် သူ၏ ဖခင် Kenneth S. Allen အတွက် ကျောင်းစာကြည့်တိုက် ဆောက်လုပ်ရန် အမေရိကန် ဒေါ်လာ ၁၈ သန်း လှူဒါန်းခဲ့သည်။ တဖန် အမေရိကန် ဒေါ်လာ ၅ သန်းကိုလည်း ၂၀၀၃ ခုနှစ်တွင် သူ၏ မိခင်အတွက် Faye G. Allen Center for Visual Arts ကို တည်ဆောက်ရန် လှူဒါန်းခဲ့ပြန်သည်။ Allen သည် ၂၀၀၃ ခုနှစ်တွင် ဆောက်လုပ်ပြီးစီးခဲ့သော “Paul G. Allen Center for Computer Science & Engineering” ကို အဓိက လှူဒါန်းသူဖြစ်ပြီး ယနေ့အထိ အမေရိကန် ဒေါ်လာ ၁၄ သန်းကို လှူဒါန်းခဲ့ပြီးဖြစ်သည်။ 

ဆက်ရန်.....

Marvyn

ဆက်လက်ဖတ်ရှုရန်

ပြန်ပိတ်ရန်

ဗုဒ္ဓ သရဏံ ဂစ္ဆာမိ - ၁

ဗုဒ္ဓဘာသာဝင်အစ သရဏဂုံက ဆိုတဲ့စကားအတိုင်း သရဏဂုံ တံခါးပေါက်မှ ၀င်ရောက် ခဲ့မှသာ ဗုဒ္ဓဘာသာဝင် အဖြစ် ရောက်ရှိနိုင်ရကား သရဏဂုံ သုံးပါးထဲမှာ တစ်ပါး အပါဝင်ဖြစ်တဲ့ ဗုဒ္ဓံသရဏံဂစ္ဆာမိ ဆိုတဲ့ စကားရပ်လေး ကို ဗုဒ္ဓဘာသာ ၀င်တိုင်း ကြားလည်းကြားဖူးကြ၊ နှုတ်မြွက်၍လည်း ရွတ်ဆိုဖူး ခဲ့ကြမည်သာ။ ဗုဒ္ဓံသရဏံ ဂစ္ဆာမိဆိုသော ဗုဒ္ဓံ- မြတ်စွာဘုရားကို၊ သရဏံ- ကိုးကွယ်ရာဟူ၍၊ ဂစ္ဆာမိ- ဆည်းကပ်ပါ…. လို့ ဆိုိုလိုတာ ဖြစ်တယ်။ အဲဒီ စကားတွေထဲမှာ ကိုးကွယ်ဆိုတဲ့ ဝေါဟာရဟာ ကိုးနှင့်ကွယ်ကို ပေါင်းစပ်ထားဆိုတဲ့ ဝေါဟာရဖြစ်ပါတယ်။ ကိုးဆိုတာ ယုံကြည်လို့ အားကိုးခြင်းဖြစ်ပြီး ကွယ် ဆိုတာ ကတော့ အဲဒီ့ အားကိုးသူတွေကို ဝဋ်ဘေးတွေ၊ ကိုယ်ဆင်းရဲခြင်း၊ စ်ိတ်ဆင်းရဲခြင်း ဘေးတွေ အပါယ်ဘေးတွေ အဲဒီဘေးတွေ မကျရောက်အောင် ကာကွယ်ပေးခြင်းလို့ အဓိပ္ပာယ်ရပါတယ်။

ဒါကြောင့် အဲဒီဘေးတွေ မကျရောက်အောင် ကာကွယ်ပေးတဲ့ ဘုရား၊ တရား၊ သံဃာ ရတနာမြတ်သုံးပါးကို ပါဠိလို သရဏ၊ မြန်မာလို ကိုးကွယ်ရာလို့ ခေါ်ဆိုရခြင်း ဖြစ်လေတယ်။

ယနေ့ ဗုဒ္ဓ ဘာသာဝင်တွေ ကိုးကွယ် ဆည်းကပ်လျက် ရှိနေကြတဲ့ ဂေါတမနွယ်ဖွား ရှင်တော်မြတ်ဘုရားကို မျက်မှောက်ခေတ် လူသားမှန်သမျှ အားလုံးတို့ ဘယ်သူမှ ပကတိမျက်စိနဲ့ တိုက်ရိုက် ဒိဌမမြင် မတွေ့ဖူးကြပါဘူး။ ဒါပေမယ့်လည်း ဗုဒ္ဓဘာသာဝင် မှန်သမျှ အားလုံးတို့ဟာ အဲဒီဂေါတမနွယ်ဖွား ရှင်တော်မြတ်ဘုရားကို ဘိုးဘွား ဘီဘင် လက်ထက်ကနေ ယနေ့ထိတိုင် ကိုးကွယ် ဆည်းကပ်လျက် ရှိနေကြပါတယ်။ မျက်စိနဲ့ တိုက်ရိုက် ဒိဌမမြင်တွေ့ရဘဲ ဘာကြောင့် ကိုးကွယ် ဆည်းကပ် နေကြရတာလဲလို့ မေးရင် "ယုံကြည်လို့" ဆိုတဲ့ အဖြေကိုပဲ အားလုံးက ဖြေဆိုကြမှာပါ။ ဟုတ်ပါတယ်…… ယုံကြည်ဆိုတဲ့ မြန်မာဝေါဟာရဟာ ပါဠိလိုတော့ သဒ္ဒါတရားပဲ ဖြစ်တယ်။ သဒ္ဒါဆိုတာ ဗုဒ္ဓါဒီနီ ရတနာနိ သဒ္ဒဟတိ ပတ္တိယာယတိ သဒ္ဓါ [ဘိ။ ဌ၊ ၁။ ၁၈၉] ဆိုတဲ့စကားအရ ဘုရား၊ တရား၊ သံဃာ ရတနာမြတ်သုံးပါးကို ယုံကြည်ခြင်းဖြစ်လို့ အဲဒီ ယုံကြည်မှု သဒ္ဓါတရားကြောင့်ပဲ ရတနာသုံးပါးကို ကိုးကွယ် ဆည်းကပ်ခြင်း ဖြစ်ကြရတာပါ။

ယုံကြည်မှုနဲ့ ပါတ်သက်လို့ ဘုရား၊ တရား၊ သံဃာ ရတနာသုံးပါး ကိုသာမဟုတ်ပါဘူး၊ ကံ ကံရဲ့အကျိုးတရား၊ ပစ္စုပ္ပန်လောက၊ တမလွန်လောက၊ ဒီအရာဌာန တွေကိုလည်း ယုံကြရမှာပါ။ အဓိက အားဖြင့်တော့ ဘုရားကို ယုံရမှာပေါ့။ ဘုရားကိုယုံရင် အဲဒီဘုရားဟောတဲ့ တရားတော်တွေကို ယုံတဲ့ကိစ္စ၊ ဘုရားဟောတဲ့ အတိုင်းလိုက်နာကြ၊ ကျင့်ကြံ ကြိုးစား အားထုတ်ကြတဲ့ သံဃာတော်တွေအပေါ်ကို ယုံတဲ့ကိစ္စ၊ ဘုရားဟော တရားတော်များမှာ ညွှန်ပြခဲ့တဲ့ ကံ ကံတရားရဲ့အကျိုး တရား၊ ပစ္စုပ္ပန်လောက၊ တမလွန်လောက၊ ဒီအရာဌာနတွေမှာ ယုံတဲ့ကိစ္စ အားလုံးပြီးပါတယ်။ ဒါကြောင့် ဘုရားကိုယုံကြည်ရင် တရား၊ သဃာ၊ ကံ ကံရဲ့အကျိုးတရား၊ ပစ္စုပ္ပန်လောက၊ တမလွန်လောက ဒါတွေကိုလည်း ယုံကြည်ပြီး ဖြစ်နိုင်တာမို့ ဘုရား ကိုယုံဘို့ အဓိကကျတယ်လို့ ဆိုရတာဖြစ်ပါတယ်။

ယနေ့ မျက်မှောက်ခေတ်မှာ ထင်ရှားတဲ့ ဘာသာကြီး လေးမျိုးရှိပါတယ်။ ဘာသာတိုင်းမှာ မိမိတို့ ယုံကြည်ကြ၊ ကိုးကွယ် ဆည်းကပ်ကြတဲ့ ဘုရားတွေလည်း အသီးသီး ရှိနေကြပါတယ်။ ရှိနေကြတဲ့ဘုရား တွေထဲက ဗုဒ္ဓဘာသာဝင် တွေကလည်း မိမိတို့ဘုရားကို ကိုးကွယ်မှ သမ္မာဒိဌိ၊ အခြားသော ဘုရားတွေကို ကိုးကွယ်ရင် မိစ္ဆာဒိဌိ။ အခြားသော ဘာသာဝင်တွေကလည်း သူတို့ဘုရားကို ကိုးကွယ်မှ သမ္မာဒိဌိ၊ အခြားသော ဘုရားတွေကို ကိုးကွယ်ရင် မိစ္ဆာဒိဌိ။ ဒီလို တစ်ဖက်နဲ့ တစ်ဖက် ကိုယ့်ဘက်ကို သမ္မာဒိဌိ၊ သူ့ဘက်ကို မိစ္ဆာဒိဌိဆိုပြီး ပြောဆို နေကြပါတယ်။ ဒီတော့ ဘယ်ဘုရားကို ယုံရမှာလဲ… ဘယ်ဘုရားကို ကိုးကွယ်ရမှာလဲ… ဘယ်ဘုရားကိုယုံမှ၊ ဘယ်ဘုရားကို ကိုးကွယ်မှ သမ္မာဒိဌိဖြစ်မှာလဲ… ဒါတွေဟာ ကိုးကွယ် ဆည်းကပ်သူအားလုံး သိသင့်သိထိုက်တဲ့ အရေးအကြီးဆုံးသော အချက်ပါ။ တကယ်တော့ လောကမှာ ဘုရားဆိုတာ “ယံ ဧကိဿာ လောက ဓာတုယာဒွေ အရဟန္တော သမ္မာသမ္ဗုဒ္ဓါ အပုဗ္ဗံ အစရိမံ ဥပ္ပဇ္ဇေယျုံ၊ နေတံ ဌာနံ ဝိဇ္ဇတိ“- တစ်ခုသော လောကဓာတ်ကြီး အတွင်း၌ ပူဇော်အထူးကို ခံထိုက်ကုန်သော ဘုရားနှစ်ဆူတို့သည် မရှေးမနှောင်း (တပြိုင်နက်) ပွင့်တော်မူရာသော အကြောင်းအခွင့်သည် မရှိ [အံ။၁။၂၉] ဆိုတဲ့စကားအရ နှစ်ဆူတပြိုင်နက် မရှိစကောင်းပါဘူး။ တစ်ဆူပဲရှိရမှာပါ။ နှစ်ဆူ၊ သုံးဆူ တစ်ပြိုင်နက် ရှိနေမယ်ဆိုရင် တစ်ဆူသာ အစစ်အမှန်ဖြစ်ပြီး ကျန်တဲ့ အဆူတွေဟာ အမည်ခံဘုရားတွေပဲ ဖြစ်ရမှာပါ။ ရှိရမယ့် တစ်ဆူတည်းသော ဘုရားဆိုတာ တစ်နည်းအားဖြင့် ယုံကြည်ပြီး အမှန်တကယ် ကိုးကွယ်ရမယ့် ဘုရားဆိုတာ ပါဠိ ဝေါဟာရအားဖြင့် ဗုဒ္ဓ၊ မြန်မာ ဝေါဟာရအားဖြင့် သိတတ်သူလို့ အဓိပ္ပါယ်ရပါတယ်။ ဒီနေရာမှာ သိတယ်ဆိုတာ သစ္စာလေးပါးနှင့် တကွ သိစရာမှန်သမျှ အားလုံးကို သိတာကို ဆိုလိုတာပါ။ ဒါကြောင့် ကိလေသာ အားလုံးကို ကုန်စေတတ်တဲ့ အရဟတ္တ မဂ်ဉာဏ်နဲ့ သိစရာမှန်သမျှ အားလုံးကို သိတတ်တဲ့ သဗ္ဗညုတဉာဏ် အဲဒီဉာဏ်တွေကို ရရှိပိုင်ဆိုင်ထားတဲ့ ပုဂ္ဂိုလ်ကို ဗုဒ္ဓဘုရား လို့ခေါ်ဆိုရပါတယ်။ ဒါဟာ ဘုရား ဟုတ်မဟုတ် သိနိုင်တဲ့ အကျဉ်းဆုံးသော တိုင်းတာစရာလေး တစ်ခုပါ။ မိမိတို့ ကိုးကွယ် ဆည်းကပ်နေတဲ့ ဘုရားမှာ အရဟတ္တမဂ်ဉာဏ်နဲ့ သဗ္ဗညုတဉာဏ် ရှိရဲ့လား။ ရှိတယ် ဆိုရင်တော့ ဘုရားစစ်၊ ဘုရားမှန်ပါပဲ။ မရှိဘူးဆိုရင်တော့ ဘုရားမဟုတ်ပါဘူး။ အမည်ခံ ဘုရားပဲဖြစ်ပါတယ်။ အဲဒီအမည်ခံ ဘုရားတွေကို ယုံကြည်ကိုးကွယ်မိရင် သမ္မာဒိဌိလည်း မဖြစ်နိုင်ပါဘူး။ လွဲမှားသော ကိုးကွယ်မှုသာ ဖြစ်ပါတယ်။

ယုံကြည်မှုကို သဒ္ဓါလို့ ခေါ်ဆိုလို့ရပေမယ့် ယုံကြည်မှုတိုင်းကိုတော့ သဒ္ဓါလို့ မခေါ်ဆိုနိုင် ပါဘူး။ ယုံကြည်မှုတိုင်းကို သဒ္ဓါလို့ ခေါ်မယ်ဆိုရင်တော့ ဒီကမ္ဘာ လောကကြီးမှာ မိစ္ဆာဒိဌိဆိုတာ မရှိနိုင်တော့ပါဘူး။ ဘာပြုလို့လည်း ဆိုတော့ ကိုးကွယ်တဲ့ ဘုရားတိုင်းကို ကိုးကွယ်သူတိုင်းက ယုံကြည်နေကြလို့ပါ။ ဘုရားစစ် ဘုရားမှန်တွေကို ကိုးကွယ် နေကြသူတွေက မိမိတို့ ကိုးကွယ်တဲ့ ဘုရားကို ယုံကြည်ကြသလို အမည်ခံ ဘုရားတွေကို ကိုးကွယ် နေမ်ိသူတွေကလည်း သူတို့ကိုးကွယ်တဲ့ ဘုရားကို ယုံကြည် နေကြတာပဲ။ တကယ်တော့ ဘုရားအစစ် အမှန်ကို ယုံကြည်ပြီး ကိုးကွယ်မှ သဒ္ဓါအစစ်ဖြစ်ပြီး သမ္မာဒိဌိဖြစ်ပါတယ်။ အမည်ခံ ဘုရားတွေကို ယုံကြည်ပြီး ကိုးကွယ် နေတာကတော့ သဒ္ဓါမဟုတ်ပါဘူး။ မိစ္ဆာဓိမောက္ခပါ။ မိစ္ဆာဓိမောက္ခ ဆိုတာ မိစ္ဆာ - မှားယွင်းသော + အဓိမောက္ခ- ဆုံးဖြတ်မှု + မိစ္ဆာဓိမောက္ခ =  မှားယွင်းသော ဆုံးဖြတ်မှု လို့အဓိပ္ပါယ် ရပါတယ်။ တရားကိုယ်အရ ကောက်ရင်တော့ မောဟ (သို့မဟုတ်) ဒိဌိပြဌာန်းတဲ့ အကုသိုလ် စိတ္တုပ္ပါဒ်တွေ ဖြစ်ပါတယ်။ အဲဒီအမည်ခံ ဘုရားတွေကို ကိုးကွယ်မိရင်တော့ “နဖူးပွန်းနှင့်၊ ဒူးပွန်းခံကာ၊ ကိုးကွယ်ပါလည်း၊ ဆရာလွဲက၊ ငရဲအပါယ်၊ အမြစ်တွယ်၊ ဝဋ်နွယ်ရှည်လျားရာ“ ဆိုတဲ့စကားလို အပါယ်ငရဲမှာ အမြစ်တွယ်ပြီး ထိုသူတို့ လျှောက်လှမ်းရမယ့် သံသရာ ခရီးလမ်းဟာလည်း ရှည်လျား နေကြဦးမှာ ဖြစ်ပါတယ်။ ဒါကြောင့် ကိုယ် ကိုးကွယ်တဲ့ ဘုရားဟာ ဘုရား အစစ်အမှန်လား၊ အမည်ခံ ဘုရားလား ကွဲကွဲပြားပြား သိအောင်တော့ လေ့လာ ထားကြရမှာ ဖြစ်ပါတယ်။

ဘုရား…ဘုရား ဆိုတိုင်း ရမ်းပြီး ကိုးကွယ် နေကြမယ် ဆိုရင်တော့ စစ်မှန်တဲ့ ကိုးကွယ်မှုကို ရရှိနိုင်မှာ မဟုတ်ပါဘူး။ ဗုဒ္ဓဘာသာဝင် ဖြစ်ရင်လည်း မိရိုးဖလာ ဗုဒ္ဓဘာသာဝင်ပဲ ဖြစ်ကြရမှာပါ။ မိရိုးဖလာ ဗုဒ္ဓဘာသာဝင် ဆိုရင်တော့ သူတို့ရဲ့ ကိုးကွယ်မှုဟာ ခိုင်မာလေးနက်မှု မရှိလို့ တည်ငြိမ်မှုလည်း မရှိနိုင်ပါဘူး။ ဟိုကပြော ယုံလိုက်၊ ဒီကပြော ယုံလိုက်၊ ဟိုဆိုလည်း ကိုးကွယ်လိုက်၊ ဒီဆိုလည်း ကိုးကွယ်လိုက်၊ နောက်ဆုံးတော့ ဘုရားခြင်း အတူတူပါပဲကွာ ဆိုပြီး ဘာသာအားလုံးက ရှိသမျှ ဘုရားတွေ အကုန်လုံးကို ဘုရားစင် ထက်တင်ပြီး ကိုးကွယ်တဲ့ အဆင့်ကို ရောက်ရှိ သွားကြမှာပါ။ အသိဉာဏ် ပညာနဲ့ ယုံကြည်မှု သဒ္ဓါတရား နည်းပါးကြတဲ့ ပုထုဇဉ် လူသားတို့ရဲ့ အယူဝါဒ မတည်မြဲပုံနဲ့ အလွဲအမှား တွေကို ကိုးကွယ် တတ်ကြပုံ၊ ယင်းသို့ ကိုးကွယ်ခြင်းကြောင့် မကောင်းတဲ့ ကတိသို့ လားရောက်ရပုံ များကို “ခပင်းထိုမျှ၊ လူ့လောကနှိုက်၊ အန္ဓပုထုဇဉ်၊ ဉာဏ်မယှဉ်ကား၊ အစဉ်မှားလေ့၊ ထင်သရွေ့ဖြင့်၊ မေ့လျော့သတိ၊ မယှိပညာ၊ သဒ္ဓါနည်းပါး၊ အမိုက်အားဖြင့်၊ တရားမတည်၊ မကျည်မခိုင်၊ ယိမ်းယိုင်စောင်းငဲ့၊ အယူယွဲ့၏၊ ဂုဏ်မဲ့တက္ကတွန်း၊ ရဟန်းအလဇ္ဇီ၊ ကျင့်ဒုဿီနှင့်၊ မညီတရား၊ သူတို့အားလည်း၊ ဘုရားရဟန္တာ၊ အရိယာဟု၊ မိစ္ဆာစွဲငြိ၊ မှီဝဲမိက၊ အသိကျင့်ချွတ်၊ သုနက္ခတ်သို့၊ မမြတ်အောက်လျှိုး၊ ဂတိဆိုး၍၊ မြန်းညှိုးမယော်ဘိမူကား“ လို့ မဃဒေဝလင်္ကာသစ်၊ ပိုဒ်ရေ (၅၄၈)မှာ ပြဆိုထားပေတယ်။

အရဟတ္တ မဂ်ဉာဏ်နဲ့ သဗ္ဗညုတဉာဏ် ရှိမှ ဘုရားလို့ဆိုရင် ဗုဒ္ဓဘာသာဝင်တွေ ကိုးကွယ် ဆည်းကပ် နေတဲ့ ဂေါတမဗုဒ္ဓမှာကော အဲဒီ အရဟတ္တမဂ်ဉာဏ်နဲ့ သဗ္ဗညုတဉာဏ် ရှိရဲလား… ဘယ်တုန်းက ရှိတာလဲ… မွေးတုန်းကတည်းက ပါလာသလား… အဲဒီလို တစ်စုံတစ်ယောက်က မေးလာရင် ဗုဒ္ဓဘာသာဝင် တစ်ယောက် ဖြစ်တဲ့ သင့်အနေနဲ့ ဘယ်လိုဖြေမလဲ။ ဒီမေးခွန်းတွေ ဖြေဆိုနိုင်ဖို့အတွက် ကိုယ်ကိုးကွယ်တဲ့ ဗုဒ္ဓရဲ့ အကြောင်းအရာကို၊ ကိုယ်ကိုးကွယ်တဲ့ ကိုယ့်ဘုရား အကြောင်းကို သိသင့် သလောက်တော့ သိထား ကြရမယ်။

မိမိတို့ ကိုးကွယ်နေတဲ့ ဂေါတမဗုဒ္ဓဆိုတာ မွေးကတည်းက အရဟတ္တမဂ်ဉာဏ်နဲ့ သဗ္ဗညုတဉာဏ် ပါလာတာ မဟုတ်လို့ မွေးမွေးချင်း ဘုရား မဖြစ်သေးပါဘူး။ သူ့ကို (ဘုရားအလောင်း သိဒ္ဓတ္ထမင်းသားကို) မဟာသက္ကရာဇ် ၆၈ ခုနှစ်၊ ကဆုန်လပြည့်၊ သောကြာနေ့မှာဖွားမြင်ပါတယ်။ ဖွားမြင်တဲ့နေရာက ဒေဝဒဟနဲ့ ကပိလဝတ်အကြား လုမ္ဗနီသာမော အင်ကြင်းတောမှာပါ။ သူ့ရဲ့နာမည်က သိဒ္ဓတ္ထ၊ သူ့ရဲ့ခမည်းတော်က သုဒ္ဓေါဓန၊ မယ်တော်က မာယာဒေဝီ၊ အမျိုးအနွယ်က မင်းမျိုးမင်းနွယ်ပါ။ ဒီအကြောင်း အရာတွေလောက် ကိုတော့ ဗုဒ္ဓဘာသာဝင်တွေတိုင်း သိပြီးဖြစ်ကြပါလိမ့်မယ်။ ဒါပေမယ့် ဒီအကြောင်းအရာတွေကို အခြေခံပြီး အခြား သိရမယ့်အကြောင်းအရာတွေ ရှိနေပါသေးတယ်။ ဒါတွေကတော့ ငါတို့ကိုးကွယ်တဲ့ ဘုရားဟာ နတ်လည်းမဟုတ်၊ ဗြဟ္မာလည်းမဟုတ်၊ လူသားစစ်စစ်ပါပဲလားလို့သိရမယ်။ အဲဒီလူသားဟာ မိုးကျရွှေကိုယ် သူ့အလိုလိုပေါ်လာတာမဟုတ်။ ဗြဟ္မာ၊ သိကြား၊ နတ်နဂါးတွေ ဖန်ဆင်းလို့ ဖြစ်ပေါ်လာတာမဟုတ်။ လူသားမိဘနှစ်ပါးကနေ ပေါက်ဖွားဆင်းသက်လာတာပါလားလို့ သိရမယ်။ နောက်ပြီး ငါတို့ကိုးကွယ်တဲ့ ဘုရားမှာ မွေးဖွားတဲ့ ခုနှစ်သက္ကရာဇ် အတိအကျရှိတယ်။ မွေးဖွားချိန်၊ မွေးဖွားရာဒေသ၊ မျိုးနွယ် အစဉ်အဆက် အတိအကျရှိတယ်။ ဒီလိုလည်းသိထားကြရပါမယ်။

အသက် ၁၆ နှစ်အရွယ်မှာ အင်မတန်ချောမောလှပတဲ့ ယသော်ဓယာဒေဝီနဲ့ အိမ်ထောင်ပြုပါတယ်။ ထို့နောက် ရာဟုလာ အမည်ရတဲ့ သားတော်လေး တစ်ပါး ထွန်းကားပါတယ်။ သားတော် ရာဟုလာလေး မွေးတဲ့ ည မဟာသက္ကရာဇ် ၉၇ ခုနှစ်၊ ဝါဆိုလပြည့်၊ တနင်္လာနေ့မှာ တောထွက်ခဲ့ပါတယ်။ တောထွက်တယ်ဆိုတာ ဇနီးမယား သမီးသားနဲ့ မိဘ၊ ဆွေမျိုး၊ ညီအစ်ကို မောင်နှမ စတာတွေအပေါ်မှာ ရစ်ပတ် တွယ်တာနေတဲ့ တဏှာလောဘ အပါအဝင် ကိလေသာဆိုတဲ့ တောထဲကနေ ထွက်ခွာလာပြီး ကိလေသာတွေ ကုန်ဖို့နဲ့ သိစရာအားလုံးကို သိဖို့ ပကတိသောတော (ဥရုဝေလတော) သို့ ထွက်ခွာ လာခဲ့ခြင်း ဖြစ်ပါတယ်။ ဒီအချိန်ထိအောင် ဘုရား  မဖြစ်သေးပါဘူး။ လူသားအဖြစ်နဲ့ လူသား ဘဝပဲ ရှိနေ ပါသေးတယ်။ လူသားဆိုပေမယ့် သာမန်လူသားတော့ မဟုတ်တော့ပါဘူး။ "လက္ခဏာတော် ကြီးငယ်၊ အသွယ်သွယ်ဖြင့်၊ သပ္ပါယ်လှစွာ၊ ကိုယ်အင်္ဂါဝယ်၊ ပါရမီတော် အဟုန်၊ ကိုယ်လုံချုံ၍၊ မွှမ်းထုံသင်းကြူ၊ သယမ္ဘူဟု ဆိုတဲ့ စကားအတိုင်း လက်က္ခဏာတော် ကြီးငယ် အသွယ်သွယ် တွေနဲ့ တင့်တယ် လှပတဲ့ ကိုယ်အင်္ဂါပိုင်ရှင် ဖြစ်ပါတယ်။ လေးအသင်္ချေနဲ့ ကမ္ဘာတစ်သိန်း ကာလပတ်လုံး ဖြည့်ကျင့် ခဲ့တဲ့ ပါရမီတော်တွေနဲ့ ပြည့်စုံနေတဲ့ လူသားလည်း ဖြစ်ပါတယ်။ အဲဒီလို ထူးခြားမှုတွေနဲ့ ပြည့်စုံနေတဲ့အတွက် သာမန်လူသား မဟုတ်တော့ဘူး ဆိုတာကိုတော့ သတိပြုကြရမှာ ဖြစ်ပါတယ်။

ဆက်ရန်.......

ဓမ္မဒီပ ဆရာတော်

ပြင်ဦးလွင်မြို့

ဘဒ္ဒန္တ စန္ဒသီရိ

ဆက်လက်ဖတ်ရှုရန်

ပြန်ပိတ်ရန်

တရားတော် မိတ်ဆက်

စာဖတ်သူများကို ကျွန်တော့် အနေနဲ့ မေမြို့က စာရေးသူ တစ်ယောက်နဲ့ မိတ်ဆက်ပေးပါရစေ။ တကယ်တော့ အဲဒီ စာရေးသူဟာ M.A(Buddhism) ဘွဲ့ကို ရရှိထားတဲ့ ဆရာတော် တစ်ပါးပဲ ဖြစ်ပါတယ်။ ဆရာတော်ကြီးရဲ့ ဘွဲ့တော်က ဘဒ္ဒန္တစန္ဒသီရိ ဖြစ်ပါတယ်။ ဒါပေမယ့် ဓမ္မဒီပ ဆရာတော် အမည်နဲ့ လူသိပိုများပြီး ကျော်ကြားပါတယ်။ ဆရာတော်အနေနဲ့ ဓမ္မဆောင်းပါးများကို စာစောင် အသီးသီးမှာ ရေးသားခဲ့သလို အထက်ပါ ဆောင်းပါးများကို စုစည်းပြီး "သတိ..ကျန်ရှိပစ္စည်းတာဝန်မယူ" ဆိုတဲ့ ဓမ္မဒီပ စာစဉ် အမှတ်(၁) ကို ထုတ်ဝေ ဖြန့်ချီခဲ့ပြီးလည်း ဖြစ်ပါတယ်။ အခု ဆရာတော်ရဲ့ ညွှန်ကြားချက်အရ ဓမ္မဆောင်းပါးများကို တဖြည်းဖြည်းခြင်း တင်ပြသွားမှာ ဖြစ်ပါတယ်။ စာဖတ်သူများ တရားသံဝေဂ ရနိုင်ကြပါစေ ခင်ဗျား။

ဒေါက်တာ အောင်ဝင်းထွဋ်

ဆက်လက်ဖတ်ရှုရန်

ပြန်ပိတ်ရန်