ရုရှ ဘာသာစကား လေ့လာနေသူများအတွက် အွန်လိုင်း အဘိဓါန်

ကျွန်တော်တို့ ပြုလုပ်ထားတဲ့ ရုရှ-မြန်မာ၊ မြန်မာ-ရုရှ လင်ဗို အဘိဓါန်များ ဟာ လင်ဗို အဘိဓါန် ဆော့ဖ်ဝဲ ရှိတဲ့ သူများအတွက် သာ အဆင်ပြေပြီး မရှိတဲ့ သူများ မှာ အတော်လေး အဆင်မပြေဖြစ်တာကို သိလာရပါတယ်။ အဲဒီ အချိန်မှာ မြန်မာ ဝီကီ နဲ့ ပက်သက်ပြီး လေ့လာရာက မီဒီယာ ဝီကီ opensource software ရဲ့ ထိရောက်ပုံ အသုံးကျပုံတွေကို သိလာရပါတယ်။  လိုကယ် နက်ဝက်မှာ စမ်းသပ် သုံးစွဲရာက အဘိဓါန် စကားလုံးတွေ စုဆောင်းရာမှာ အင်မတန် ထိရောက်ပြီး အသုံးကျမှန်းသိလာပါတယ်။ ဒါကြောင့် အွန်လိုင်းကို တင်ပေးပြီး လူတိုင်း အလွယ်တကူ သုံးစွဲနိုင်အောင် စီစဉ်ပေးဖို့ အကြံရလာပါတယ်။ ဒီလို တင်ပေးခြင်းအားဖြင့် ရုရှ စကားကို လေ့လာနေတဲ့ မြန်မာများသာမက မြန်မာစကားကို လေ့လာနေတဲ့ ရုရှ လူမျိုးများပါ အလွယ်တကူ အသုံးချနိုင်ပြီး ဝင်ရောက် ကူညီပေးနိုင်လာပါလိမ့်မယ်။ UFL နဲ့ ရုရှက ဘာသာစကား သင် တက္ကသိုလ်များကို ဆက်သွယ်ပြီး ထိရောက်အောင် လုပ်ဖို့ ကြိုးစားမှာ ဖြစ်ပါတယ်။ ကျွန်တော်တို့ ပြုစုထားသမျှကို GNU Free Documentation License နဲ့ အခမဲ့ ဖြန့်ချီမှာ ဖြစ်ပါတယ်။ လောလောဆယ် ဒိုမိန်းကို www.ru-mm.org အနေနဲ့ ဝယ်ယူ ထားရှိပြီး ဖြစ်ပါတယ်။ hosting အတွက်ကိုတော့ http://mmgeeks.com က အကူအညီ တောင်းခံထားပါတယ်။ စတင် တည်ထောင်ကာစ ဖြစ်တဲ့ အတွက် အကူအညီများစွာ လိုအပ်နေပါတယ်။ ဘာသာစကား အကူအညီ၊ အင်တာနက် စာမျက်နှာ ရေးသားရန် ကျွမ်းကျင်သူများ၊ ငွေကြေးလိုအပ်ချက်များ များစွာ ရှိနေပါတယ်။ ဝင်ရောက် ပူးပေါင်းလိုသူများကို မည်သူမဆို ဖိတ်ခေါ်လိုပါတယ်။ အခြား ကျောင်းများမှ အဘိဓါန် ပြုစုနေကြသူများ ရှိပါက တစ်ပေါင်း တစ်စည်းတည်း ပြုစုကြရန် အနူးအညွှတ် တောင်းပန်လိုပါတယ်။ အထူးသဖြင့် ရုရှ တက္ကသိုလ်များတွင် သင်ယူလျက်ရှိသော ကျောင်းသားခေါင်းဆောင်များကို ပူးပေါင်း ကူညီပေးပါရန် လေးစားစွာ မေတ္တာရပ်ခံလိုပါတယ်။ ယ္ခု ကဲ့သို့ ပညာတော်သင် များစွာ ရှိနေသည့် အချိန်ဟာ ဒီလို အဘိဓါန်မျိုးကို ပြုစုဖို့ တစ်ခုတည်းသော အခွင့်အရေးဖြစ်ပါတယ်။
အခြား ဘာသာ စကားများကို ပါ အဘိဓါန် ပြုလုပ် ပေးဖို့ ရည်ရွယ်ထားပါတယ်။ စိတ်ပါဝင်စားပါက aungwin.htut@gmail.com ကို အီးမေးလ် ပေးပို့ ဆက်သွယ်နိုင်ပါကြောင်း သတင်းကောင်း ပါးလိုက်ရပါတယ်ခင်ဗျာ။

Please Share This Post

Share on Facebook Plus on Google+